لاني وجدت فيه حقيقه كبيره مجتمعنا بعيشها حاليا للاسف وهو اختفاء الحب بين الازواج بعد الزواج
فتابعو معي هذا الحوار
الموضوع بيتكلم عن الشباب والبنات قبل وبعد الزواج
رجاء إلي هيزعل مش يدخل الموضوع .
قبل الزواج الشاب بيقول لحبيبته : حبيبتي تحبي أجيب لك القمر ولا النجوم
البنت مسكينه لسه : يا حبيبي إنت عندي أغلى من كنوز العالم " مجنونه "
بعـــد الزواج
هي : حبيبي ممكن أشتري فستان ؟
هو : حرام عليكي السنه الي فاتت اشتريت لك واحد ..أجيب فلوووس منين
هي : انت مش كنت عاوز تجيب لي النجوم
هو : نجوم ايه يا عبيطه النجوم في السماء هطلع اجيبهم ازاي .
المهم خلونا نرجع لقبل الزواج .....
هو ماسك ايدها وماشي بيها .. وهي تعمل مكسوفه وتشيل ايدها
هو : حبيبتي أنا خايف عليكي الشارع كله سيارات
ملحوظه : هما أصلا ماشيين على الرصـــــيف
بعد الزواج : المسكينه رايحه تمسك ايده
هو : وبعدين وياكي الجو اليومين دول حر جدا .
ملحوظه أخرى : أننا في عز البرد وقتها !!!
يالله نرجع لأيام الخطوبه ....
حبيبتي تصدقي نفسي نتزوج وألف بيكي العالم
هي : الله ياريت يا عمري والله العالم معاك أكيد أحلى
بـــعد الزواج ....اممممممممممممممم
هي : حبيبي إمتى هنخرج ونلف العالم ؟
هو : أي عالم الله يهديكي خلينا في بيتنا وبعدين نخرج تخبطنا عربيه
نرجع تاني لأيام الخطوبه ...
يتصل عليها بالتليفون من الساعه 9 بالليل لـ 9الصبح
المهم خلونا نشوف الحوار
هو : حبيبتي صوتك بالتليفون روعه أحلى من نانسي عجرم
هي : لالا انت الأحلى وأحلى من عمر دياب يا عمري
هو : نفسي افضل اسمع صوتك طول العمر
هي : وأنا عمري ما هشبع منك يا قلبي ونور عيني
بعد الجواز ...
هي : حبيبي كنت عاوزه أحكيلك حاجه ممكن ؟
هو : صوتك مزعج أنا تعبان وعاوزانام
هي : حبيبي الله يخليك حاجه صغيره
هو : وبعدين وياكي يعني قلت لك تعبان ..بعدين !!
خلونا نتكلم بصراااحه ......
ليه التغير الكبير في لغه التخاطب بين البنت والولد
قبل الجواز حاجه وبعد الجواز حاجه ؟
ليه بنلبس أقنعه وبنخلعها بعد الجواز؟
ليه بنوعد وبنحلم وبعد الجواز بنخلف ونموت ؟
ليه كل حاجه بتموت بعد الجواز ؟
ليه الراجل لما بيمتلك حبيبته بيفقدها اجمل ما يمكن وهو إحساسه بإهتمامه وحبه وعطفه ؟
مش بس الراجل الي بيتغير الستات كمان
ولا ايه ؟؟؟
موضوع: قبل الزواج وبعده 
الإثنين 2 يناير - 16:05