مقارنه بين رغى البنات والولاد فى الفون
تعالو نشوف الفرق بين مكالمه البنت من الولد بتكون ازاى
معظم بنات مصر
{ انا بقول معظم مش كلهم }
لما تيجي الاجازه تلاقيهم
ماسكين التليفون وهات يا رغي
ود ود ود ود ود
ويك ويك ويك ويك
شفتي الواد تامر كان لابس ايه النهارده
التى شيرت كان جميل بس الشوز كان مش لايق عليه أوووى
وكمان
بيقولوا البنت مى اتقدم لها عريس كويس
اه فعلا ..بس رفضته
وكمان
شفتي فستان أليسا الجديد
يهبل
هو صحيح البنت هالة اتخطبت ؟
لا.. اصل عريسها مكنش شبه تامر حسني
أما شفت حته واد النهارده
زي القمر وقعد يبص عليا كتيــر
(((وهو تلقيه معبرهاش اساسا )))
(وفى نهايه المكالمه )
يلا ياعسل انا هقفل معلش اصل ماما بتنده عليا مش عايزه منى اى حاجه
لا ياحبيبتى عايزة سلامتك
باى ياقمر
باى ياعسل
وبعد لما تقفل التليفون مع صحبتها او بعد ما تسيبها
تقول البنت دي كدابه كدب ؟؟
دي أكيد بتفشر عليا في اللي قالتله
البنت دي انا مبقبلهاش بس هي اللي مصممه تكلمني
ويقولوا لك علاقه البنات ببعض اقوي من علاقه الشباب مع بعض
والواحده من دول اما تتعارك مع صحبتها تقولها بس يا بت يا بتاع رامى اقووووووووووووووول ؟
يالهووووووووووووووووووووووي
تلاقي الملايه اتفرشت واللسان الجميل تحول اللي بندقيه
(لما تكون فى البيت)
من المطبخ للنت للسرير
واما تلاقي نفسها اتخنقت من اللي عملته
تخش علي المطبخ وهات يا ..أكل...؟
كأنه اسد بيفترس وليمه
وهي تلاقيها قدامك في الجامعه
منتهي الرقه والطيبه
وتقولها متاكلي تقولك انا ساندويتش واحد يشبعني
اصلى عامله دايت
اظن كده اشطه
نروح بقه للولاااااااااااااااااااااااااااااااااااااااااد
ودى مكالمه تليفونيه بين ولدين بتبين الشباب بيعملوا ايه فى الاجازه
بررررم بررررم
برررررررم برررررررم
-الوووو.. مين
-انت صحيت يا حيوااااااان
-عاااااااااايز ايه يا سى زفت؟ بتصحينى ليه؟
_صحى الموت ياخويا.. قوم يا عم الجثة الساعة داخلة على 4
-ايه؟؟ 4 الفجر؟؟
-لا طبعا العصر يا نانوس عين مامتك.. هو احنا بنصحى قبل كده يا خفيف
دانا محضرلك بروجرااااام للخروج انهاردة.. انما ايه.. ميخرش المية
-ميخرش المية؟ طب قول يا عم الطشط
-شوف يا سيدى.. اولا هنطلع على حتة كافيه فى المعادى لسه فاتح جديد
انما ايه جامد طحن
وكمان اييييييه مش هتصدق عندهم شيشة بجميع انواع الفاكهة الصيفية والشتوية والربيعية والخريفية والدقهلية وشك فى الحيط وقفاك ليا
-
مش بقولك بروجورام ميخرش المية.. نياااااااهاهاهاها.. نياااااااااهاهاها ايه رايك ؟؟
-خلاص يا عم العفريت خرمتلى ودنى بالضحكة العجيبه بتاعتك دى
-استنى بس اكملك البروجوورام.. هنطلع م الكافيه ع الساعة 12 كده
-هنطلع طبعا مش شايفين قدامنا والدخان طالع من وداننا
-ماتخاااااافش عااااامل حسابى.. انا بقى عارف الجو ده طالبة معاه ايه..
هنطلع على عم بكر ندب الأكلة التماااااام
مش بقولك عامل حسابى... نياااااااااااااااااااااااااها..
-خلاص خلاص طب وبعد ما ناكل ونرجع اللى كلناه هنعمل ايه يا فكيك؟
- عيب يا مان .. ودى تفوتنى برضو
هنعمل الحاجة اللى لا تخلو منها اى خروجة شبابية تكون تماموووز---.. هنطلع على
أى موووول نتلطع قدام البوابة نعاكس فى مخاليق ربنا
و يمكن ربنا يكرمنا ونختم اليوم اللذيذ ده بخناقة
-طيب كلم باقيت الاوغاد بقى وقلهم يبقوا يجيبوا بطايقهم معاهم عشان احتمال نبات فى القسم الليلة دى
-اكلم مين يا منيل انت.. العيال مترصصة ع القهوة مستنين اما اصحيك ياللا قوم يا مدهول على عينك جتك نيلا تاخدك اخلص
-طب بقولك ايه.. عايز اسالك على حاجة من اول المكالمة
هو مين معايا؟
-ايه الخفة دى؟احنا هنهزر ولا ايه؟ انا عمك وتاج راسك ياض
-عمى ايه انا ابويا مالوش اخوات ولاد..
ما تهدى يا عم القرد
-انت هتقوم ولا اجيلك البيت اقرفك فى عيشتك؟
-لا لا متجيش انت عارف ان امى مش بتطيق تسمع سيرتك
-مانا عارف, ماهو امى انا كمان مباتطقش تسمع سيرتى..
المهم
المهم خلص بقى وانجز
سلالالالالالالم
-سلالالالاحف
متيلا ياض غوووووور بقه_
طيب يا عم جتك داهيه_
الله يخربيت ام دى صحوبيه
موضوع: رغى الاولاد ورغى البنات فى الفون 
الإثنين 2 يناير - 14:22