اسأل ياتاريخ

اب بيحكي وف ايديه الرعشه

وانا مذهول وخداني الدهشه

فضل يقول الذنب دا ذنبي

عشان انا اللي قلت لابني

الاهلي حديد.... الاهلي حديد

ليه كده يابور سعيد؟

ولا يعيني علي حالة صاحبه

بيقول ايه الذنب اللي ارتكبه

هو نشيد كان بيقولوا

واتنفذ وعده بقولوا

لو بطلت اشجع هكون ميت اكيد!!!!!!!!!

ليه كده يابور سعيد؟؟

ولا كلام امه المقهوره

ابني سابني وراح للكوره

كان معايا قبل شويه

ياحبيبي يابني ياضي عنيه

وعشان هي ايمانها شديد

قالت انا حسبت ابني شهيد

ليه كده يابور سعيد؟؟

انا متوجع وبلاش اطول

ولازم نسأل أهالينا

هو الشعب المصري اتحول؟!

ولا علي الغش اتربينا!!!!

ومبقتش عارف ارجع بلدي ولا افضل متغرب لبعيد

ليه كده يابور سعيد؟؟

وفين الايمان وفين الرحمه

بنموت بعض في وسط الزحمه

دبح بسكاكين ونار صواريخ

اسأل .. اسأل .. اسأل ياتاريخ

ليه ماتوا 77 شمعه تقيد!!!

ليه ليه ليه ليه ليه يااااااااااااااابور سعيد؟؟؟؟؟!!!!!!!!!!!!!

اسأل ياتاريخ 5443

الفاتحه علي روح الشهداء
وانا لله وانا اليه راجعون وحسبي الله ونعم الوكيل

هنقول ايه غير حسبنا الله ونعم الوكيل فى كل ظالم وكل من استباح دم المصريين

القتل دلوقتى تاجر واحد ب 150 يقتل

الضباط الاحرار عارفين المجرمين كويس وبالرغم من كده سايبنهم

الامن فى بورسعيد لم يؤمن

اتذكر ماحدث فى مباراة الاهلى والمحلة وكيف ادارها الامن شرطة وجيش ببراعة دون اى خسائر

فاتعجب مما حدث فى بورسعيد
وما استفزنى اكثر ان ضابطا من المتواجدين ف الاستاد امسك بتليفونه المحمول ليصور الاحداث

والله مابنام هنا من يوميها غير الفجر
وكلنا حزانه والله بجد كلنا في الغربه مقهورين
بيسالونا هنا ليه بتعملوا في بعض كده
احنا بنسال نفسنا ليه كده
والواحد ملوش نفس لاي حاجه
اللي مصبر الواحد بس كلمة يااااااااااارب

يارب

ربنا على الظالم والمفترى واذيال النظام

يااااااااااااااااااااه
للأسف للأسف الشديد الواحد بقا يخاف من اللى بيحصل دة على أخوية وأبوية واختي وأمي مش اللى فى بتنا بس لالالالالالالالالالالالا
اللى هما جاري وفى بلدى وفى مصر كلها بخاف لإن كل واحد فيهم بيطلع الله أعلم هيرجع للبيت أخر اليوم أو أخر عمله لبيته ولا لاء
حسبي الله ونعم والوكيل فى كل ظالم
ويقول الله تعالى:
بسم الله الرحمن الرحيم"
( وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ)
سورة إبراهيم الآية (42) .

عَنْ أَبِي ذَرٍّ :
عَنْ النَّبِيِّ صَلَّى اللَّهُ عَلَيْهِ وَسَلَّمَ :
فِيمَا رَوَى عَنْ اللَّهِ تَبَارَكَ وَتَعَالَى أَنَّهُ قَالَ:

( يَا عِبَادِي إِنِّي حَرَّمْتُ الظُّلْمَ عَلَى نَفْسِي وَجَعَلْتُهُ بَيْنَكُمْ مُحَرَّمًا فَلَا تَظَالَمُوا )
رواه مسلم .

ان لله وانا اليه راجعون